ဘရာတစ်လာဗာ၊ မေ-၁၉-၂၀၂၄
မျိုးဆက်(VOM)
နေသတ်နဲ့ ပစ်ခတ်လုပ်ကြံခံခဲ့ရတဲ့ ဆလိုဗက်ကီးယားဝန်ကြီးချုပ် ရောဘတ်ဖီကိုဟာ အသက်အန္တရာယ် စိုးရိမ်ရတဲ့ အခြေအနေရှိနေဆဲဖြစ်တယ်လို့ တာဝန်ရှိသူတွေက ပြောပါတယ်။
အသက် ၅၉ နှစ်အရွယ် ဝန်ကြီးချုပ် ရောဘတ်ဖီကိုဟာ ဥရောပတခွင် တုန်လှုပ်ချောက်ချားစေခဲ့တဲ့ လုပ်ကြံမှုမှာ သေနတ်နဲ့ လေးချက်အပစ်ခံခဲ့ရတာဖြစ်ပြီး စလိုဗက်ကီးယားနိုင်ငံရေးအပေါ် စိုးရိမ်ပူပန်မှုတွေ မြင့်တက်နေပါတယ်။
“ ဝန်ကြီးချုပ်ရဲ့ အခြေအနေက ကိုယ့်ဘက်မပါသေးပါဘူး။ အခြေအနေတည်ငြိမ်တယ်ဆိုပေမယ့် စိုးရိမ်ရတယ်” လို့ ဝန်ကြီးချုပ်ရဲ့ ကျန်းမာရေးအခြေအနေနဲ့ပတ်သက်ပြီး ဒုတိယဝန်ကြီးချုပ် ရောဘတ်ကာလီနက်ခ်က ဆေးရုံမှာ သတင်းထောက်တွေကို ပြောပါတယ်။
ဝန်ကြီးချုပ်ကို လုပ်ကြံသတ်ဖြတ်ဖို့ ကြိုးစားခဲ့တဲ့ သံသယရှိသူကိုတော့ လူသတ်မှုကျူးလွန်ရန် ကြံစည်မှုနဲ့ စွဲချက်တင်ပြီး ဖမ်းဆီးထိန်းသိမ်းထားပါတယ်။ ဒီလုပ်ကြံမှုကို တယောက်တည်း လုပ်ဆောင်ခဲ့တာလို့ ပြည်ထဲရေး ဝန်ကြီးက ဆိုပါတယ်။
ဝန်ကြီးချုပ် ဆေးရုံတက်နေချိန်မှာ တာဝန်တွေကို တရားဝင်လွှဲပြောင်းရယူဖို့ မလိုသေးဘူးလို့ ဒုဝန်ကြီးချုပ် ရောဘတ်ကာနီနက်ခ်က ပြောပါတယ်။ ဝန်ကြီးချုပ် ဖီကိုဟာ သောကြာနေ့က နှစ်နာရီကြာ ခွဲစိတ်မှုတွေပြုလုပ်ခဲ့ပြီး အခြေအနေတိုးတက်မှုရှိတယ်လို့ တာဝန်ရှိသူတွေက ပြောပါတယ်။
Ref:Reuters
Photo:AFP
Related posts
-
တပတ်အတွင်း ရွှေ၊ ဒေါ်လာ၊ စက်သုံးဆီနဲ့ အခြေခံစားသောက်ကုန်ဈေးကွက်
စက်တင်ဘာ ၂၉ – ၂၀၂၄SS (VOM)ဒီတပတ်မှာတော့ ပြင်ပဈေးကွက်မှာ ရွှေဈေးနှုန်းတွေ ဆက်တိုက် ကျဆင်းနေတာကို... -
ရှမ်းတောင်၊ ပုံးအင်းဒေသမှာ ရေဘေးကြောင့် မျိုးစပါးတွေပျက်စီးကုန်လို့ စိုက်ပျိုးရေးပါထိခိုက်
စက်တင်ဘာ ၂၉၊ ၂၀၂၄ သတင်း-ZY ရှမ်းပြည်နယ်တောင်ပိုင်းမှာ ဆန်စပါးအများဆုံးထွက်ရှိပြီး စပါးကျည်လို့ ခေါ်ဝေါ်ကြတဲ့ ပုံးအင်းဒေသမှာ... -
နီပေါ ရေကြီးမြေပြိုမှု လူ ၁၀၀ ကျော်သေပြီး ၇၀ နီးပါး ပျောက်ဆုံး
ခတ္တမန္ဒူ ၊ စက်တင်ဘာ-၂၉-၂၀၂၄ မျိုးဆက်(VOM) နီပေါနိုင်ငံမှာ မိုးသည်းထန်စွာရွာသွန်းပြီး ရေကြီးရေလျှံ မြေပြိုမှုတွေကြောင့် လူ...